श्रीदेवनाथ पीठ परंपरा ही संपूर्ण भारतवर्षात आणि परदेशात एक अत्यंत प्रतिष्ठित आणि बहुश्रुत परंपरा आहे. राष्ट्र आणि धर्म कार्यार्थ समर्पित या पवित्र परंपरेचे राजधानी असलेले सुरजी येथील श्रीदेवनाथ मठ हे या परंपरेचे मूलस्थान असून या परंपरेशी जोडलेली अनेक पवित्र स्थाने भारतात आणि परदेशात पसरलेली आहेत, जेथे प्रत्येक स्थानावर त्याची दिव्य उर्जा आणि आशीर्वाद अनुभवता येतो. देव, देश आणि धर्म च्या कल्याणार्थ अनेक उपक्रम आणि धार्मिक कार्य, या सर्व स्थानांवर, श्रीनाथ पीठाच्या विद्यमान पीठाधीशांच्या प्रेरणा आणि आशीर्वादाने निरंतर सुरु आहे.
